TVP3 наведала мастоўскі раён

5-6 жніўня Мастоўскі раён наведала група польскага тэлебачання - TVP3 (беластоцкі аддзел), якая рыхтуе перадачы на беларускай мове для беларусаў Беласточчыны. Тэлекарэспандэнт Мікалай Ваўранюк, сустрэўся з Алесем Мікалаевічам Белакозам. Алесь Мікалаевіч распавёў пра стварэнне Гудзевіцкага музея. Відэаздымкі рабіліся і ў самым гудзевіцкім музеі. Тэма Гудзевіцкага музея гучала таксама і ў Мастох. Пісьменнік Лявон Вашко расказваў якое месца ў яго жыцці займаюць адносіны з Алесем Мікалаевічам. Дэпутат раённага Савета Дзмітрый Кухлей адказаў на пытанні карэспандэнта звязаныя з яго дэпутацкай дзейнасцю, а таксама пра тое, які ўплыў аказала на яго постаць Белакоза.

Пасля інтэрвію карэспандэнты з Польшчы паздымалі самыя прыгожыя і адметныя мясціны нашага горада - вісячы мост, Нёман у раёне Міхайлоўкі, мікрараён і цэнтр горада з памятнікам Леніну.

Не абышлося і без кур'ёзаў. У цэнтры да карэспандэнтаў адразу падыйшлі двое людзей і пачалі правяраць дакументы. Адзін у форме міліцыянера другі ў штатскім. Такая рэакцыя на відэа ці на фота здымкі - адна з прыкмет нашага сучаснага грамадства, дарэчы, не толькі афіцыйных асоб, але і простых грамадзян. Адзін з жыхароў мікрараёна, пад час калі камера павярнулася у яго бок, седзячы, задраў нагу вышэй сваёй галавы.

Не зважаючы на гэткія дробязі, ў гасцей засталіся прыемныя ўражанні ад сустрэч на мастоўскай зямлі.

Інфармацыя пра час выхаду перадачы ў эфір будзе пададзена дадаткова.
masty.org